Brokeback Mountain
Localizacións espectaculares, folklorismo country en estado puro, unha historia de homofobia e impotencia vitais, son os eixos sobre os que pivota o éxito da aclamada cinta de Ang Lee. A narración detida do desencontro de dúas personalidades irreversiblemente vencelladas pero afastadas por imperativo social.
A historia minúscula do amor de Jack e Enis del Mar convértese en parábola premeditada. A da que resume todas as historias anónimas de individuos cuxas vidas escapan da súa potestade. Entre o repertorio posible, sobresaen por pertinencia actual os relatos de persoas perseguidas pola homofobia daqueles semellantes que non soportan a diferenza. A homosexualidade revélase coto idóneo da marxinalidade, a discriminación social e a irrealización persoal. En síntese, da infelicidade acomplexada, que deriva, coma no caso dos protagonistas, en vidas baleiras camufladas de fráxil apariencia.
A gravidade do problema acentúase neste caso pola intolerancia social dunha idiosincrasia de explícito e asumido machismo como é a dos cowboys americanos. Unha sociedade na que a diferenza de xénero márcase a ferro dende a primeira infancia non pode tolerar a ambigüidade sexual dos seus membros. No mellor dos casos, a invisibilidade é o único salvoconducto para os non reintegrados, evitando trascender á mirada pública. O agravio, de saltarse as normas, é totalmente desproporcionado. Os gardiáns da moral fan uso sen escrúpulos da súa ecuación fatal.
Dúas décadas de militancia na sombra do que dicta o corazón é a desgraza que conecta ós protagonistas. Non hai sobresaltos nin grandes accións que vertebren o ritmo interno da narración, senón unha detallada descrición dun amor que xermola e vai medrando sen sol, sen coidados, en estéril natureza. Unha criatura maltratada que o destino trunca para catarse dos bempensantes
Durante a pasada semana os cinéfilos de Compostela tiveron a sorte de poder desfrutar dun ciclo de cine adicado a 
Na sá da artista americana podes ver algunhas das cintas máis recoñecidas do galo François Truffaut: "Os catrocentos golpes", "Bicos roubados", "Viva o domingo" ou a inesquecible "Jules e Jim", entroutras, son algúns dos títulos dos que gozar, ademais a un prezo moi asequible (tendo en conta os prezos que se manexan nesta cidade). Son menos de 3 euros, e un 1,80 para os que teñen desconto por carné xove, xubilidados ou socios da alianza francesa.
